تحذير هام من سمك الباسا الفيليه

احذرى احذر احذر من سمك الباسا اللهم بلغت اللهم فأشهد
رجاء التثبيت للأهمية
أسماك «الباسا» ده نوع من الاسماك المستوردة واللي انتشرت قوى في السوق المصرية ( فتح الله )والاسواق العربية
وفي مصر بيتباع الكيلو الفيليه منه في بعض الأماكن ب 12جنيهات
طبعاً السعر ده المفروض انه يخلينا نسأل ؟؟؟
هو الكيلو لو افترضنا المستورد بيشتريه ببلاش طيب وهل ها يشحنه ببلاش وهيدفعله رشوة بلاس وجمارك بلاش علشان يبيعه لتجار التجزئة ب4 جنيه علشان يبيعوه همّ ب 12

المهم احنا شعب مش بتفرق معانا حاجة وما بنستغربش حاجة

مجرد ما نسمع ان فيه جنازة نروح نصوّت ونلطم
وبعد ما المرحوم يندفن والصوان يترفع
نروح نسأل ( هو مين اللي مات )

صدر تقرير من كام يوم وتم عرضه على وزير الزراعة المصري ان هذه الأسماك تحتوي على مواد مسرطنة

وده جزء من التقرير




كشف الدكتور محمد فتحى عثمان، رئيس الهيئة العامة لتنمية الثروة السمكية، عن أن الهيئة حصلت على تقارير دولية، أكدت أن سمكة «الباسا» الفيتنامية، التى انتشرت بالأسواق المصرية مؤخراً، خاصة فى عدد من سلاسل المحال الكبرى والعالمية، تتم معالجتها بـ«مواد كيماوية»، منها ـ حسب التقرير ـ المضادات الحيوية بنسب عالية، ومادة أخضر «الملاكيت»، المسببة لمرض السرطان، موضحاً أنه يتم استخدام هذه المواد بكثافة لـ«قتل» الكميات الكبيرة من الميكروبات التى توجد بهذا النوع من الأسماك، والذى يعيش فى المستنقعات والمياه الملوثة.

وأكد التقرير أنه تم إعدام شحنات كبيرة من أسماك الباسا مؤخراً فى أكثر من دولة، على رأسها الولايات المتحدة الأمريكية، حيث قامت هيئة الأغذية والأدوية الأمريكية بإعدام ١٠٠ طن من هذه الأسماك بعد وصولها إلى ولاية «الاباما»، بعد أن كشفت نتائج تحاليل العينات العشوائية التى قامت بسحبها من الشحنة وجود تلك المواد المسرطنة فى ١٩ من أصل ٢١ عينة تم تحليلها.

طبعاً حاجة كارثة

ومش الكارثة ان الحكومة تستورد لنا السرطان
لأ ... ده عادي احنا اتعودنا عليه
وتقريباً بقت عندنا مناعة .... ضد الأمراض دي

الكارثة ان مصر بتستورد سمك من فين
لو قلنا من السودان مش مشكلة يمكن علشان تكون بداية لتكامل اقتصادي
أو لو قلنا من عُمان .... نقول آه السمك العماني جميل والحكومة عاوزة تروّشنا

أنما من فيتنام

مصر اللي فيها أكبر كم من المسطحات اممائية في الشرق الأوسط
بتستورد أسماك

مصر فيها حوالى 3000 كم سواحل بحرية ( البحر الأحمر والابيض وخليج السويس )
مصر بها بحيرات كثيرة مليئة بالاسماك ( المنزلة - البردويل - قارون - البحيرات المرّة )

مصر فيها نهر النيل اللي بيشق مصر كلها بطول حوالى 1000 كم
مصر فيها ترع ( المحمودية شمالاً والابراهيمية جنوباً والاسماعيلية شرقاً )
ده غير بحر يوسف غرباً من ديروط الى الفيوم حيث المصب في بحيرة قارون

كل المسطحات دي مليئة بخيرات الله التي لا تنفد

ومع ذلك بيستوردوا

في مثل بيقول
لا تعطيني سمكة ولكن علمني الصيد

وحكومتنا بتقول: لا هنعلمكم الصيد ولا هنعطيكم السمكة

احنا هانستوردهالكم فيلية وجاهزة على الأكل

يمكن خايفين ع الاحتياطي الاستراتيجي من السمك

ولا خايفين من الزيادة السكانية

حد فيكم أكل سمك ( الباسا )


حسبنا الله ونعم الوكيل عارفين انه مسرطن وبيبيعوا ياعينى عالشعب
[b]

لا حول ولا قوة الا بالله
حسبنا الله ونعم الوكيل
جزاكى الله خيرا حبيبتى
وشكرا على الموضوع