كرسي الاعتراف في منتدى الاخت المسلمة

انا هنا والله
وان شاء الله برد على الاسئلة هلا
بس دعيلى اصل النت هنا وحش اوى اوى
انتظرونى

وكم مضى من عمرك ؟
20
واين تسكنين ؟
جمهورية مصر العربية
محافظة الدقهلية
مدينة المنصورة

هل تتمنين شيء في عالم النت وتريدين تحقيقه ؟
امممممممممم
لا شى سوا رضا ربى على
اجمل بلد سافرتي الها ؟
اممممم
السعودية فيها مكة المكرمة والمدينة المنورة
هل شخصيتك داخل المنتدى

.. مثل شخصيتك خارج المنتدى
لا

؟ وما الفرق بينهما اذا كان هناك فرق ؟
اكيد فى فرق
وان فعلا عالم النت معظمو خيال
والشخصيات كتير بتتخم فيها

ما هي تجربتك في الحياة واستفدت منها ؟
كتير والله
واللى ميتعلمش بيقى ميستحقش يكون بنى ادم

ما رأيك في كرسي الاعتراف ؟
امممممممم
جميل
وكمان بيخلينا نقرب من بعض ونعرف شخصيات بعض

ما هو شعورك وانت تجلسين على الكرسي ؟
اممممممممم
مرتاحة الحمد لله
وكفاية انى حسة بحبكم ليا كاخت فى الله

ما هو اصعب موقف مريتي في ؟
خطوبتى الاولى

ايش موقفك من الحب
اممممممم سكرت قلبى بالمرة
مافى حد يستحق الحب غير شريك حياتى وزوجى ان شاء الله

؟ وهل جربتيه
اكيد

وهل تؤمنين به ؟
اكيد

في أي قرار تتخذينه ... هل .. تحكمين عقلك أم قلبك فيه ..
قبل كنت احكم قلبى
الان عقلى وبس

؟ ومن الاسبق في التحكيم .. قلبك ام عقلك ؟
الان عقلى

هل ندمتي في حياتك على شيء معين ؟
.........!!

ما الفرق بين الحب والصداقة ؟
الفرق كبير اوى
لكن افضل علاقة الصداقة لانها بتدوم
ومفيهاش مصلحة
انما الحب كلو مصالح
هات وخد
رضى لغرور لكل من الطرفين
يعنى حاجت كتيرة
بس انا تعبت من كتير ما حكيت رايى وكل ما اكتب النت يفصل والحكى يضيع
علشان كدة بختصر فى الرد

ما رأيك بهذه الكلمات :
الحب
اممممممم شى جميل اكيد
واسمة حب فى الوجود الحب فى الله

الصداقة

احلى حاجة فى الدنيا
رمز للوفاء والاخلاص
بس قل فى هذا الزمن

الخيانة

اقذر كلمة فى الوجود
بجد احساسها وحش اوى
وانواعها كتيرة
وكلهم بيوجعوا اوى
خاصا خيانة الوطن والاهل

المرأه
انا مش بايد ان المرآة نصف المجتمع
علشان المرآة كانت زمان حاجة تانية خالص
دلوقتى الست هى اللى بقت تمشى الراجل مش هو اللى يمشيها
الحياة اتغيرت اوى
يمكن علشان كدة مفيش بركة فى حياتنا
الله المستعان
لكن المراة بردة دورها كبير اوى فى حياة الرجل
وياما عملت
الموضوع دة عايز كلام كتير اوى
ممكن بعد كدة نعملو فى نقاش عام وكل واحد يقول راية لانو مهم بصراحة

النميمة
اكيد حاجة وحشة اوى اوى وعاقبتها صعبة
ربنا يكفينا الشر والسوء يارب
اولحمد لله على نعمة الاسلام
بس يا جماعة النميمة والغيبة دول وحشين اوى اوى
وبياتو يوم القيامة يقول لهم الله كلو هذا اللحم الميت فيكلو منه
عارفين اللحم الميت دة اية؟
اللى احنا بتكلم عليهم وفى عرضهم من ورائهم


النفاق

مش بحبو خالص لوا هو ولا المجاملة بحسهم زى بعض بالضبط

ما هي الصفات التي لا تعجبكي في نفسك ؟

يمكن عصبية

مش بعرف اتعامل مع الرجالة بليونة بحس انى شديدة فى كلامى معاهم
يعنى محدش يفهمنى غلط
انا اقصد بابا او اخواتى او كدة يعنى الناس اللى قريبة منى اوى
يعنى فى التعامل بتجنبهم كتير

يمكن انى طيبة اوى زيادة عن اللزوم ودة وحش اوى فى الزمن دة
يمكن كمان انى ممكن اصدق اى حد بكل سهولة وان الناس بتصعب عليا بسرعة يعنى




ما هي الصفات التي تعجبكي في نفسك ؟

مش عارفة

هل انتي فتاة ناجحة ؟
الى حدا ماااا
الحمد لله رب العالمين

ولماذا
يعنى بحب النشاط
بحب التقدم
بحب التغيير دائما
اتمنى اكون زوجة صالحة واحافظ على زوجة واولادى ان شاء الله
يعنى حاجات كتيرة اوى
الحمد لله

هل تعتقدين انك موهوبة ؟
امممممممم
مش عرافة الحكم بيرجع للى حواليا
بس احيانا بيقولولى انتى فنانة
لانى بحب الرسم
احيانا بعمل لوحات فنية
او اى اعمال يدوية بتعجبهم
بس مش بحس منهم انها مجاملة لانها بتكون عجبانى ومقتنعه بيها اوى

ولماذا
يعنى السبب انا قولتلو فوق

هل انتي محبوبة ؟ ولماذا ؟
الحمد لله رب العالمين
لانى معملتش فى حد حاجة تزعلة او مش بحب ازعل حد منى
اكيد بعد دة الناس مش معقول متحبنيش
ولانى دائما بتعامل بطبيعتى مع الناس

ما هو رأيك بكل من :

ام الدثر
بجد بحبها فى الله وهى غالية علياااا وقريبة منى اوى
ربنا يبارك فيها يارب وينولها اللى فى بالها وبالى وييسرلها امرها

طائر النورس
اممممم
اخ غزيز بجد وطيب اوى وبجد مثال الشب الفلسطينى المخلص لكل شى
لكن دائما زعلان
فك يا نضال
الدنيا مش مستاهلة كل دة
سسيبها لله وربنا يحلها من عندة اتوكل على الله

اسيره ادم
امممممم
لسة معرفهاش غير انها اسمها وسام و23 عام ومن جنين وبس
يعنى متعاملتش معاها لسة

ميسم القلوب

عسولة وانا عرفها وبحبها
محترمة وبحسها مؤدبة وبنت اصول بجد
ربنا يكرمها يارب

اللواء الاسلامي
اممممممم
بحسو غامض
لكن محترم وملتزم نوع ما ربنا يذيدة يارب ويبارك فيه
وينولو اللى بالو

حور السعيد

اختى من امى وابى
بحبها طبعا جدا جداااااا
لانها اختى الوحيدة
وبحترمها جدا
وهى تستاهل كل خير
ربنا يكرمها يارب ويخليلها بنتها ويباركلها فيها وتروح السعودية لزوجها قولو امين

ياسر

اممممممم
اخى فى الله ياسر انسان محترم ومهذب جدااا
مع انو غايب من فترة وبالى مشغول علية
لكن ان شاء الله يكون بخير
هو بصراحة مبدع


تحدثي لنا عن طفولتك بعشرة الى خمسة عشر سطراً ؟
يااااااااااااااة كانت ايام حلوة اوى يا نضال
بجد والله
انا عشت طفولتى فى بلد بابا فى قرية ريفية
ياة تصحى الصبح على صوت العصافير ومع شقشقة الفجر الله حاجة حلوة اوى
وتشم رائحة الهواء يالله سبحان الله بجد
الحمد لله
ونفطر وننزل نلعب انا واخواتى واولاد عمى امام الدار
الدار كان كبير ما شاء الله وما زال موجود
عيارة عن 4 ادوار
لكل دور شقتين
والودر الارضى فى جدو وتيتا
جدو بقى الله رحمه
وتيتا قاعدة لوحدها
عندى بنت عمى من سنى على طول كنا مع بعض
واليا اخ توام مش بنفارق بعض
بس كنا بنتخانق مع يعض على طول
بلعب لما نتعب انا واولاد عمى
وكنا ماشاء الله كتار
ونروح الارض بتاعتنا
الله منظرها حلو اوى
والخضرة بتريح الاعصاب اصلا
واحنا طبعا اطفال بنلعب ونجرى
وفى حاجة اسمها اناية عبارة عن جدول ماء صغير ليسى الاراضى الرزاعية
وكنا بنصدا منوا سمك صغير
وكان فى شجرة توت جنب البيت وحديقى فواكة
اتذكر رائحة الليمون على الشجر
والجوافة
والبرتقال
ونقطفها وناكلها
لما تركت مصر وروحت على السعودية عشت هناك برضة حياة حلوة اوى اوى
فى ظل والدى ووالدتى الكرام
السعودية مش زى مصر
احنا كان فى مصر اجازة يوما لجمعة
انام الان اصبح الجمعة والسبت
فىا لسعودية بقى
الجمعة والخميس اجازة رسمية
واعتقد انها مازالت
عشت معظم طفولتى فىا لسعودية واتعودت عليها
وكنا نخرج ونتفسح ونروح هنا وهناك
كانت حياة حلوة الواحد مكنش شايل هم حاجة لاو حاجة بتزعلة
الحمد لله اهلى عمرهم ما حرمونى من شى ربنا يخليهم ليا يارب ويديهم الصحة
وجيت هنا فى مصر قعدت فى المنصورة فيها كل خلاتى وخيلانى
واتعرفت على اولادهم وحبيتهم اوى اوى
ولعبنا وصرنا اصدقاء لهلا
الحمد للهر ب العالمين
كل الناس بتحبنى
كنت هادية وبحب اللعب والضحك وكل شى
الحمد لله اهلى ربونى كويس اوى
محرمونيش من اى شى
وعملنى حاجات كيترة اوى
بجد بجد احلى ايام قضيتها فى طفولتى فىا لسعودية
وكنت بحب مدرستى اوى ولسة لهال متذكرة اسمها
وكل شى
وعلى فكرة كنت متفوق والله فىا لدرساة كنت دائما من الاوائل
لما وصلت الاعداية بدئت افسد خخخخخخ
مجموعى بدء يقل والمجهود قل
وانا بعترف انى اللى مقصرة بس الحمد لله
انا راضية كل الرضا
والحمد لله رب العلمين
كفاية كدة بقى
لانى لو فضلت احكى هقول كتير اوى

متى آخر مرة بكيت حزناً ومتى فرحاً ؟
امبارح بكيت حزينة
فرحا مش عارفة

ما هي نقطة ضعفك ؟
امممممم
مش عارفة برضة

هل يوجد لكي يوم تنتظره بفارغ الصبر ____؟ ولماذا ؟
نصر الامة الاسلامية
احساسى وامنيتى بجد
وان الدولة الاسلامية تلتزم بتعاليم الدين السمحة وشرع الله وسنة النبى محمد صلى الله علية وسلم
لان فى ناس كتيرة اوى بتصعب عليا
وبفكر وبقول لنفسى الناس دى مش شاعرة بان ربنا من علينا بنعم كتيرة اوى
وهما مش بيحمده عليها
بالعكس
لا حول ولا قوة ال بالله العلى العظيم

ما هو هدف وجودك في هذا المنتدى ؟
الهدف انى اخلى الناس تستفيد وانو يكون كل شى فى حدود الدين والادب واكيد يكون كلو فى ميزان حسناتى
علشان كدة خايفة

وهل تعتقدين انك بذلتي ما في وسعك وليس بمقدورك ان تزيدي من محاسن المنتدى أو تطرئين عليه تغيراً يسمو به ؟
ان شاء الله اقدر
بس المشكلى فىا لموقت
احنا دلوقتى فى رمضان
والواحد عايز يختما لقراءن ويتعبد فى هذا الشهر ويجتهد وميضيعش لحظة واحدة
لاننا نعتبر الان فى اوكازيون
شهر ازكازيون الحسنات
وربنا يدينا يارب على اد عملنا ويرضى عنا يارب ويتقبل منا الطاعة

ما رأيك بالحب عبر النت ؟
اممممم
هو موجود
وكتير كمان
لكن غلط اوى اوى

ما هو تقيمك لمجهود المشرفين الحالية وهل هي مرضية ام لا ؟
بصراحة وبدون زعل لااااااااااا لا خالص
محدش مقدر المسئولية
ومحدش مهتم خالص
والصبر حلو
ان الله معا لصابرين
وياريت ياريت يكون المنتدى عاجب الجميع
واى تعليق انا هسمع الكل
والله انا مش شديدة ولا حاجة

لو يسمح لكي بكتابة جملة على لوحة يقرأها كل الـ..
البنات , العرب . الشباب , اصحاب المواقع ...فماذا تقولين لهم ؟
اتقو الله حيثما كنتم
ان لم تكن تراه فانه يراك
وجاءت سكرة الموت بالحق ذالك ما كنت منه تحيد
ان المنافقين فى الدرك الاسفل من النار
اتقوا يوما ترجعون فيه الا الله
واصبر صبرا جميلا
فان معا لعسر يسرا
حاجات كيترة اوى يا نضال


ما هي آخر هدية استلمتيها ومن مين ؟
فى عيد ميلادى وكنت اول مرة ادعو حد
بس مكنش بنية عيد مبلاد وحفلة وبتاع
لا كان بنية اننا نتجمع وبس
جالى هدايا كتير
معظمها مكياجات وساعه حائط جميلة اوى
وجالى مفارش
وبابا ادانى 200 جنية

وحاجات كتيرة
الحمد لله رب العالمين

ما هو اول موضوع لكي في المنتدى ؟
مطلوب مشرفين لهذا القسم

علبة سنكرز .. فيها 10 حبات .. لمن تهديهن ؟ عشر اعضاء بس !!
اممممم
انت اولهم يا نضال
واما لمدثر
وحور السعيد
واحمد
طريق الجنة
وهبة
هيجاوى
غزل الليالى
الصبر مفتاح الحياة
يوسف

لمن تقولي " إن كنت أعز الناس لديك فأنت كل الناس بنظري ؟
زوجى فى المستقبل
ان شاء الله

اقسى كلمة سمعتيها من انسان عزيز عليكي ؟

انتى دمرتى حياتى

اجمل كلمة قيلت لكي ؟
كلمة الله يسعدك ويحميكى من القلب

عضو تحسي شخصيتو قريبة من شخصيتك ؟
اممممممممم
........!!!

-كل انسان وله أمنيات وأمال .. يا ريت تخبرنا عن الحلم اللي يراودك أو بالأحرى الأمنية اللي تتمنيها.. ؟
اتمنى ان ربنا يرضى عنى وماما وبابا كمان
وادخل الجنة
بجد مش عايزة اكتر من كدة

ما هي الصفة المتواجدة في المجتمع وتكرهينها ؟

صفات كيترة اوى اوى
كدب خيانة خداع نفاق
كل حاجة وحشة والله
بس مش كل الانس وحشين يعنى
لكن ا لسائد دة

من هو مثلك الاعلى في الحياة ؟
محمد صلى الله عليه وسلم

وشكرا لك



ياااااااااااااااااااااااااااة يا نضال تعبتنى اوى بلالاسئلة دى
خاصا انى مش اول مرة اكتبها
والنت يعمل عملته ويفصل
ويضيع كل شى
انا يا جماعة مش غامضة على فكرة
انا انسانة عادية
لكن بحاول اغير نفسى للافضل
ودة المطلوي من كل واحد فينا
كل فترة يقيم نفسه ويشوف ايةا لصح وايةا لغلط ويحاول يزبطه
وربنا اعطانا عقل علشان نفكر بيه ولازم نفكر بيه صح
ونتعلم من اللى فات
وربنا يسعدا لجميع
وكل عام وانتم بخير جميعا
دمتم فى رعاية الرحمن
وشكرا لك اخى نضال على الكرسى الجميل
دة
كنت حسة انى مخطوفة
هههههههه
شكرا كثيرااااا
كانت اسئلة خفيفة خفة مش قادرة اقولك اد اية
ربنا يسعدك يارب وينولك اللى ببالك
احترامى لك
وانا ان شاء الله هستضيفك
بس استنى عليا
لما ارجع المنصورة ان شاء الله