أصول الوصول ارجوك قف

السلام عليكم ورحمة الله وبركاته

أصول الوصول كتاب للشيخ محمد حسين يعقوب جزاه الله عنا كل خير هو كتاب رااااااااااااائع جدا انا لسه مش انهيت قرأته كله ولكن بجد هو كتاب تشعر انه بيلمسك من الداخل وكانه موجه لك شخصيا كتاب بيحدد ملامح طريق السعاده والراحه طريق ممكن يبقى صعب على البعض اللى يجعله يهون هو ان الطريق نهايته مضمونه وانك هدفك واحد وهو ان توصل لربنا يرضى عنك ربنا تفوز برضا الله عنك ويدخلك جنته هو ده الفوز اللى فى نهايه الطريق

يمكن حسيت ان الكتاب بيوصفلك ازاى تمشى ازاى تتعامل فى زمن ووقت احنا توهنا ومحتاجين دليل يمكن لما ان شاء الله اكتبلكم الكتاب يكون وقفه لاى حد بيقرأ يساعده يلاقى نفسه يوصل لراحته اللى مفتقده

اكيد مفيش اجمل من انك تلاقى نفسك مرتاح من جواك واكيد راحتك لما يكون هواك وحياتك على الطريق المستقيم اللى ربنا راضى عليه ممكن يظن البعض الطريق طويل وخايف يجرب او عنده اسباب مهما كانت ولكن اللى يخليك تعرف ازاى توصل لحظه معينه ممكن يظن انها الموت والقبر ويبقى خايف من هادم اللذات او خايف من النار بس عن نفسى فى شىء بيأثر فيا اكتر الا وهو لحظة ما حقف امام الجبار للحساب ياااااااااااااااااه لحظه صعبه اوى تصور لو وقفت امام ملك الملوك كيف حالك وقتها سواء بقى كنت من اهل الطاعه او من اهل المعاصى ولكن حيحاسبك على ايه على نعمه اللى اعطاك من غير ما تؤدى حقها وتشكره عليها ولا حيسألك عن ذنوبك وانك عصيته ومجاهرتك بالمعاصى ليل نهار ليه

يعنى ربنا بيبعت لنا رسايل طول اليوم فيه عباره قرأتها لسه متعلقه فى ذهنى من ساعتها

تأمل قدرة الرحمن سيهديك التأمل للصواب ومد الطرف فى كل النواحى سؤالك سوف يرجع بالجواب

من 3 يوم خرجت انا وامى لشراء اشياء المهم وانا فى الطريق مرت عليا 3 اشياء حابه اقولها لكم وتأملوها

لما خرجنا روحنا السوق لقينا جارتنا المهم وسط الكلام قالت لنا اخو زوجها زوجته ماتت الرجل عمره 80 والمرأة عمرها 43 وقعدت تقول دى عماله تشترى فى دهب وتصيغ نفسها وعندها امل انها تورث جوزها فى لحظه راحت وما أخدتش شىء معاها لما سمعت كده اتهزيت خصوصا لانى اعرف حكايه الرجل ده يعنى مش كبيره فى السن ولا مريضه وعماله بتجمع فى دهب وعندها أمل لسه تعيش اكتر ولكن ماتت فجأه هل ماتت على طاعه ولا على معصيه يعنى واحنا فى الحياه عايزين نعمل ونتمنى كذا وكذا لكن فى لحظه كله مش حينفعنا حنتركه ونمشى طب عملنا ايه عملنا ايه عشان فى الاخره او عملنا ايه للحظه زى الحساب ولا زى الصراط طب احنا ضمنا ربنا يثبتنا عند السؤال ولا ضمنا الجنه لا طبعا يعنى الموت قريب اوى ساعتها حسيت انى محتاجه اقف تانى مع نفسى واحاسبها وسألت نفسى يا ترى حال الست دى دلوقتى ايه انا فوق الارض وهى تحتها فى قبرها انا لسه عندى فرصه اصحح اخطائى لسه عندى فرصه اعمل طاعات تكون زاد لسفرى والكلام يكتر عن الموت واحوال الناس عنده لكن كل واحد يبقى يتأمل حياته ونفسه ويفكر مستعد وضامن ربنا ثبتك ؟؟


الحاجه التانيه اللى قابلتها لما روحنا مكان تانى وهو عباره عن مكان فيه اشياء كتيره جدا ترفيهى وتجارى بالمعنى الاصح على البحر وسط الزحام ناس من كل الانواع والمستويات مصيف وفسح وكل شىء وفى سط الزحام ده سمعت واحد بيشحت وبيستعطف الناس ولما بصيت على مصدر الصوت كان مصدره الارض عارفين حاله ايه الراجل اللى بيشحت كان رجله مبتوره الاتنين من اول عظم الحوض لغايه الاطراف مبتوره ربنا يمتعكم بدوام نعمه الصحه منظر بشع خلانى بعدت لانى كنت عايزه أتقيا من منظره بعدت عن مصدر الصوت عشان مؤلم اوى فكرت انى عندى رجلين وعندى فلوس وعندى صحه ودى الاهم تصور حالتك وانت بتشحت وبتستعطف الناس ياااااه ذل صعب اوى تصور انك لو مكانه وممكن لو محدش سمع صوتك حيدوسوا عليك وسط الزحام تصور نظرات الناس اللى مش بترحم تصور انك مش قادر تمشى وتخدم نفسك زى بقية البشر تصور وأنت فقير شحات وبتطلب مساعده وده يعطيك نظره شفقه والتانى نظره استغراب وكل واحد ونظرته اللى بتقتلك وتعذبك وانت ضعيف وقيس على كده حال ناس كتير ؟؟


والشىء الثالث قابلته قبل ما اروح بيتنا كان فى الميكروباص ركب جمب أمى شاب معاق ولازق فى أمى فانا اتضايقت انه مش عامل حساب فى واحده جمبه ولما بصيتله لقيته معاق ذهنيا ومخرج لسانه وعمال يبحلق ويبص نظرات مشتته وباين عليه انه معاق وقتها حمدت ربنا ياربى لك الحمد كما ينبغى لجلال وجهك وعظيم سلطانك على نعمة العقل اه كان لابس كويس بس فى الاخر عبيط مش فاهم حاجه فاقد الادراك لو مشى لوحده فى الشارع العيال حتجرى وراه وتضربه بالطوب وهو لا حول له ولا قوه لا قادر يدافع عن نفسه ولا فاهم ايه اللى بيحصل حوله فى الكون ولا تلاقيه قادر يخدم نفسه ولكن احنا اصحاب العقول فينا اللى بيخطط ويدبرويخرب البيوت ويجرح الناس وكله المصايب بتحصل بتدبير عقلنا مش بنفكر بيه شوف نعمة عقلك لوحدها تسوى أد ايه لو تخيلت نفسك مكانه


يعنى انت الان لسه عايش وعندك جسم سليم وعندك عقل تفكر بيه يعنى فكر بس فى النعم دى حتعرف كرم ربنا اد ايه كبير وعظيم عشان كده اللحظه اللى حقف او حنقف فيها للحساب انا مكسوفه اوى منها

ولا ستر ربنا علينا ياااااااااااه لو ريحة ذنوبنا تطلع للناس يعنى نشكره على نعمه ولا على ستره لينا ؟؟


مكسوفه من نعمه اللى مفيش لحظه بتمر عليا الا ونعمه فى ازياد تخيل نفسك لما عصيت ربنا فى يوم عصيته بنعمه مهو كان قادر فى لحظه معصيتك له يأخد النعمه دى منك مهما كانت ولكن لانه ملك الملوك الكريم الرحيم أمهلك وأنت مصر تكمل وتعصيه ومش عايز تقف وتقول انا تبت انا عائد لله انا حعبدك يارب زى ما تحب انا حبطل اعصيك انا حخدم دينك انا حنصر المسلمين انا حكون ايد بتبنى وتعد لنصرة دينك مش حكون الايد اللى بتهدم وتزيد فى جراح المليار و300 الف مسلم
عشان كده انا حابه اكتبلكم الكتاب مش عارفه اذا كان منتشر فى كل الدول العربيه ولا لا المهم حكتبه وان شاء الله يفيدكم

الكتاب هو أصول الوصول الى الله تعالى للشيخ محمد حسين يعقوب الطبعه التانيه للكتاب
وحكتب ان شاء الله كل يوم جزء منه حتى ينتهى باذن الله




نبض الكتاب


أنا الصغير الذى ربيته فلك الحمد
وانا الضعيف الذى قويته فلك الحمد
وانا الغريب الذى وصيته فلك الحمد
وانا الصعلوك الذى مولته فلك الحمد
وانا العزب الذى زوجته فلك الحمد
وانا الساغب الذى اشبعته فلك الحمد
وانا العارى الذى كسوته فلك الحمد
وانا المسافر الذى صحبته فلك الحمد
وانا الغائب الذى رددته فلك الحمد
وانا الراحل الذى حملته فلك الحمد
وانا المريض الذى شفيته فلك الحمد
وانا السائل الذى اعطيته فلك الحمد
وانا الداعى الذى اجبته فلك الحمد

فلك الحمد ربنا حمدا كثيرا على حمدى لك



وهنا فى مقدمه للشيخ محمد بن أحمد اسماعيل المقدم

اللى حابه تعرفوه منها

قَدْ أَفْلَحَ مَن زَكَّاهَا{9} وَقَدْ خَابَ مَن دَسَّاهَا{10} الشمس 9.10

وبين الله عز وجل انه لا يدخل الجنه اا نفس زكيه طاهره طيبه فقال سبحانه
{وَسِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَراً حَتَّى إِذَا جَاؤُوهَا وَفُتِحَتْ أَبْوَابُهَا وَقَالَ لَهُمْ خَزَنَتُهَا سَلَامٌ عَلَيْكُمْ طِبْتُمْ فَادْخُلُوهَا خَالِدِينَ }الزمر73



فمن ثم رفع النبى عليه الصلاة والسلام شأن تزكية النفس فقال عليه الصلاة والسلام (( ثلاث من فعلهن فقد طعم طعم الايمان من عبد الله وحده وانه لا اله الا الله وأعطى زكاة ماله طيبة بها نفسه رافدة عليه كل عام ولا يعطى الهرمة ولا الدرنة ولا المريضة ولا الشرط اللئيمة ولكن من وسط أموالكم فان الله لم يسألكم خيره ولم يأمركم بشره ))

وزاد البيهقى فى روايته

(وزكى نفسه) فقال الرجل وما تزكية النفس ؟ فقال عليه الصلاة والسلام (ان يعلم ان الله عز وجل معه حيث كان)

مقدمة الطبعه الثانية

الحمد لله رب العالمين والصلاة والسلام على أشرف المرسلين سيدنا محمد وعلى اله وصحبه اجمعين

رب يسر وأعن وتمم بخير يا كريم

اخوتى فى الله والذى فلق الحبة وبرأ النسمة انى احبكم فى الله

اخى فى الله اين انت من الله ؟ .,. أين انت فى الطريق الى الله

هذا السؤال وان كان واردا على الجميع الا ان اكثر الناس يجهلونه ببساطة اخى كم سنة مرت على التزامك ؟كم سنه مرت منذ ان تبت ؟ ... بعد مرور هذه السنه او هذه الشهور او قل الايام كيف سرت الى الله ؟ .... الى اين رت ؟ .... اين بلغت ؟ متى تصل؟؟

بالتاكيد كل هذه الاسئله ليس لها عند الكثير منا اجابه فانه لم يعرف الطريق اصلا وانما التزم كما التزم الناس وهذه عادة المسلمين فى حياتنا يتوضئون كما يتوضأ الناس ويصلون كما يصلى الناس ويزكون كما يزكى الناس ويحجون ويعتمرون كما يحج ويعتمر الناس

انما هى عادات تلقوها بالوراثة بلا فهم لاسرارها ولا ادراك لمعناها ولا حرص على ثمرتها ونتائجها

هكذا اخى الحبيب ولا تغضب من خشونة كلامة التزمت بمعنى اقلعت عن بعض المعاصى او اكثرها وخصوصا الظاهرة منها ودخلت المسجد وحضرت درسا او درسين او سمعت شريطا او شريطين وقرأت صفحات من كتاب او كتابين وتقرأ القرأن احيانا وتذكر الله فى بعض الاحيان الى جوار اللحية
ثم تظن انك ملتزم بدين الله وتنظر الى اصحاب المعاصى الظاهرة على انهم من الفجار

بالله عليك الي هذا وصف لحالك؟؟؟


اننى ادعوك الى فهم الدين ومعرفة الطريق للوصول الى رضا الله سبحانه وتعالى يقول ابن القيم رحمه الله

الناس قسمان علية وسفلة فالعلية من عرف الطريق الى ربه وسللكها قاصدا الوصول اليه وهذا هو الكريم على ربه والفله من لم يعرف الطريق الى ربه ولم يتعرفها فهذا هو اللئيم الذى قال الله تعالى فيه


وَمَن يُهِنِ اللَّهُ فَمَا لَهُ مِن مُّكْرِمٍ الحج18

لذا كان هذا الكتاب ايها الحبيب للتعرف على معالم الطريق الى الله تعالى وهذه هى الطبعه الثانيه من الكتاب
وانا استغفر الله العظيم الحى القيوم الذى لا اله الا هو واتوب اليه من اخطاء وقعت فى الطبعه الاولى واعتذر لاخوانى واحبتى فى الله عن سوء اخراج هذا الكتاب فى طبعته الاولى ولعلهم يقبلون عذرى فهذا من شيم الكرام

وللمصالحة فان هذه الطبعه غير سابقتها تماما فقد اعيد ضبطها كلمة كلمة وتمت زيادة النصوص ومواقف وتنقيحات فى بعض اصولها كما تم توثيق النصوص وعزوها الى مصادرها الاصليه وقمنا كذلك بتخريج الاحاديث مره اخرى بهذه الصورة
صورة الاختصار فى التخريج والاقتصار فى ااحالات وذلك لان المهتمين بعلم المعامله مع الله عز وجل وقراء هذا الكتاب المحبين لامر التزكيه لا يهتمون كثيرا بتطويل التخريج فليس يهمهم كثرة الاحالات على الكتب يكفى طمأنينه القلب الى صحة الحديث فاكتفينا لهم بذكر صحته وتاكيده لاحاله واحده والرائد لا يكذب اهله

ثم مقدمه لابد منها وهى التمهيد الذى اتغرق اكثر من ستين صفحه فقد رايت انه لا يصلح ان ندخل فى اصول الوصول مباشرة دون توضيح لاهم الاشارات والتنبيهات والنصائح والتوجيهات التى لابد للسائرين منها فقدمت ومضات فى طريق السير وافات على الطريق ثم انتهيت باستراحة المسافر فخذها على بركة الله

اخوتى فى الله انى والله احبكم فى الله واسال الله جل جلاله ان يجمعنا بهذا الحب فى ظل عرشه يوم لا ظل الا ظله وان يجعل عملنا كله صالحا وان يجعله لوجهه خالصا والا يجعل لاحد غيره شيئا وان ينفعنا بما علمنا ويجعلنا اول العاملين به واستغفر الله لى ولكم


وصلى الله وسلم وبارك على سيدنا محمد وعلى اله وصحبه اجمعين
والحمد لله رب العالمين